مشاهدة النسخة كاملة : مادة الاحصاء
مسا الخير
تحياتي الكم
بالنسبة لمادة الاحصاء انا منزلاها الفصل هاد مع الاستاذ اللي لسه مو معروف
وهما اثنين استاذ عبدالناصر الجزار والاستاذة ارواح
في شعبتين للاحصا والمشكلة انه رح يدرس هاي المادة عبدالناصرالجزار وهو استاذ مدرسة والفصل اللي فات جميع الطلبة اعترضوا عليه للدكتور ايمن
والفصل هاد رح يستدعوه ريعطينا المادة
طيب شو العمل هلق
احكوا وقرروا لجميع الطلبة اللي ماخدين المساق
تحياتي
R.g.r
23-09-2008, 02:47 PM
مسا النور
والمشكلة انه رح يدرس هاي المادة عبدالناصرالجزار وهو استاذ مدرسة
سواء الاستاذ عبد الناصر ام الاستاذة ارواح كلاهما بدرسوا في مدارس _ نقطة الاختلاف مو هون_
يعني الاستاذ عبد الناصر درس نظرية احتمالات والاحصاء قبل هيك , والاستاذة ارواح درست نظرية احتمالات وكانت معيدة قبل هيك بالجامعة وكمان استعانوا فيها وكانت تناقش بتفاضل 2 , يعني الاتنين الهم خبرة في الجامعة ورغم اعتراض الطالبات لكن عالفاضي ما بناخذ منهم الا وعود بالتجديد بالفصل الجديد وكل ما يجي فصل جديد بترجع ريما لعادتا القديمة .
وأنا من وجهة نظري ما بيختلف أ .عبد الناصر عن أ. أرواح , انا اخذت مع الاتنين ومو هالفرق الواسع
مع انه أ. ارواح احسن بالشرح نوعا ما .
لكن هيك مو حل لازم يجيبوا دكتور تاني يدرس المادة على اكمل وجه مو كل مرة نفس القصة وتنعاد نفس المشاكل .
انا من رايي يا يارا بلاها الفصل هادا الاحصاء ونزلي مادة تانية .
وبالتوفيق للجميع .
واطيب التحايا مني لكم .
ماشي
بس ارواح علي شهادة جميع الطلبة قالوا انه هي احسن من الجزار
وكمان شغلة نحن الطالبات ما حدا فينا كان بيفهم شغلة من عبدالناصر
عارف شو كان بيعمل كان يعمل نسخ لصق عن الكتاب
وياريت علي قد هيك انا كنت بتابع مع عبدالناصر وارواح كنت بدرس كل شي بتعلق بالمادة
المشكلة انه الجزار وارواح كانت طريقة الحل للاسئلة بتختلف
لكن انا اعتمدت علي طريقة الجزار لانه هو اللي درسني
فهمني هلق وين الغلط والعيب ولمشكلة من مين من ارواح ولا الجزار
ولايمكن فينا واحنا مو داريين
تحياتي للجميع
الملاك الأشقر
24-09-2008, 12:17 AM
بصي يا بنتي
اذا بدك رأي .... أجليها فصل او اثنين
اهم شي تخديها مع دكتوور منيح وتجيبي علامات حلوووه وتفهميها كويس
بالنسبه للأستازه اروواااح
مستحيل تلاقي متل شرحها ... درست معها مناقشه كالكولس 3
ما كنتش افهم من الاشقر كنت افهم منها
بجد استازه رائعه جداااااا
وعلاماتها حلوووووين
بتمنالك التوفيق
انا ما رح اأجل شي
انا جدولي صار تمام
واذا غيرت شي رح يصير تعارض
كمان انشالله يارب رح يصير تغير
لانه البنات قرروا انهم رح يقفوا للموضوع من بدابة الفصل
ادعولنا يارب تفرج علينا
تحياتي الكم
أبو حميد
24-09-2008, 11:20 AM
السلام عليكم ورحمة الله
انا صحيح من الجامعة الاسلامية مش من عندكم بس الاحصاء انا منزلها الفصل هاد
وبدرسنا مش مدرس مدرسة بدرسنا دكتور . استاذ مساعد وياريتني فاهم منو اشي النا شهر بالمنهج وعدنا خلصنا شبتر وحتى الان مافاهم منو ولا كلمة ,, بس هو تلخيصو كويس ,, في الحالة هادي ما النا الا نقرأ التلخيص ونحل الاسئلة على قد مانقدر زي ما عملت الفصل الفات مع دكتور الجبر الخطي والحمد لله هادي الطريقة كتير افادتني ,, الواحد يعتمد على حالو وقد مايقدر يقرأ من الكتاب من التلخيص يحل اسئلة وماتهتمي كتير للدكتور ,, وكمان في حاجة حلوة في موضوعك ,, يعني انتي تقولي الدكتور مابشرح نافع وشرحو مش كويس تأكدو انو امتحناتو هتيجي سهلة كتير
أبو حميد
24-09-2008, 11:22 AM
صحيح بدي اسالك الاحصاء عندكم عربي ولا انجليزي ؟
اول شي والله ضحكتني
ما بهم غير الدرجات عندك
معني كلامك مو مهم انك تفهم بس المهم تحصل درجات
اخي اول شغلة المادة عنا انجليزي
كمان شغلة انا لازم افهم لو شوي مع الاستاذ منشان اقدر اكمل واعتمد علي حالي
وانا اكيد بعتمد علي حالي كتير والله
في كمان شغلة وهي انه مو كل الاساتذة متل ما انت مفكر يعني ما بيشرحوا منيح بيجيبوا الامتحان سهل
ما تخاف غير متل هيك نوعية
الله ييعنا ويعين الكل علي حالهم وعلي الاساتذة اللي عنا
تحياتي الكم
أبو حميد
24-09-2008, 12:45 PM
انا مابهمني الدرجات قد مابهمني الفهم
بس بحكيلك في حالتك هادي لازم تعتمدي على حالك ولا واحد مش فاهم كيف بدو يحل الاسئلة ؟؟
يعني انا هاد الفصل واقع بتلت دكاترة بفهموش ومن ضمن المواد جبر حديث شو اعمل ؟؟ لازم الاعتماد على الذات